घेरडी केंद्रात हंगिरगे विद्यालयाचा झेंडा फडकला; श्रुती सावंत ९२ टक्क्यांसह प्रथम

घेरडी केंद्रात हंगिरगे विद्यालयाचा झेंडा फडकला; श्रुती सावंत ९२ टक्क्यांसह प्रथम

कै. आमदार काकासाहेब साळुंखे पाटील विद्यालयाचा ९२ टक्के निकाल; विद्यार्थ्यांच्या यशाने पंचक्रोशीत आनंदोत्सव

सांगोला (प्रतिनिधी): शिक्षण क्षेत्रातील उज्ज्वल परंपरा कायम राखत कै. आमदार काकासाहेब साळुंखे पाटील विद्यालय, हंगिरगे या शाळेतील विद्यार्थ्यांनी एस.एस.सी परीक्षा मार्च २०२६ मध्ये घवघवीत यश संपादन केले आहे. विद्यालयाचा एकूण निकाल तब्बल ९२ टक्के लागला असून विद्यार्थ्यांच्या उल्लेखनीय कामगिरीमुळे परिसरात आनंदाचे वातावरण निर्माण झाले आहे.

विद्यालयाची कु. श्रुती मारुती सावंत हिने ९२ टक्के गुण मिळवत घेरडी केंद्रात तसेच विद्यालयात प्रथम क्रमांक पटकावून विद्यालयाच्या शिरपेचात मानाचा तुरा रोवला आहे. तिच्या या यशामुळे हंगिरगे गावासह पंचक्रोशीतून तिच्यावर अभिनंदनाचा वर्षाव होत आहे. तसेच कु. सृष्टी भागवत लांडगे हिने ८५.६० टक्के गुण मिळवत द्वितीय क्रमांक मिळविला असून कु. प्रीती भारत गावडे हिने ८२.६० टक्के गुणांसह तृतीय क्रमांक पटकावला आहे. याशिवाय कु. सोनम विलास सावंत हिने ७९ टक्के गुण मिळवत चतुर्थ, तर कु. प्रज्ञा अण्णासो गायकवाड हिने ७६.४० टक्के गुण मिळवत पाचवा क्रमांक मिळवून विद्यालयाच्या यशात भर घातली आहे.

या उज्वल यशानंतर प्रथम तीन क्रमांक प्राप्त विद्यार्थिनींच्या घरी जाऊन संस्था पदाधिकारी, शिक्षक, शिक्षकेतर कर्मचारी, ग्रामस्थ व पालकांच्या उपस्थितीत त्यांचा सत्कार करण्यात आला. विद्यार्थ्यांच्या परिश्रमाचे कौतुक करत पुढील शैक्षणिक वाटचालीसाठी त्यांना प्रोत्साहन देण्यात आले.विद्यालयाच्या या यशाबद्दल संस्थेचे अध्यक्ष श्री. माणिकराव शिंदे, संचालक श्री. सुशीलकुमार शिंदे, श्री. सुजितकुमार शिंदे, मुख्याध्यापक क्षीरसागर सर, सर्व शिक्षक-शिक्षिका, शिक्षकेतर कर्मचारी, ग्रामस्थ, पदाधिकारी व पालकांनी विद्यार्थ्यांचे अभिनंदन करून त्यांच्या भावी वाटचालीस शुभेच्छा दिल्या.हंगिरगे विद्यालयाच्या सातत्यपूर्ण गुणवत्तापूर्ण शिक्षणामुळे ग्रामीण भागातील विद्यार्थ्यांमध्ये आत्मविश्वास वाढत असून या निकालामुळे पालक व विद्यार्थ्यांमध्ये नवचैतन्य निर्माण झाले आहे. विद्यालयाच्या या यशस्वी कामगिरीचे सर्वत्र कौतुक होत आहे.