सह्याद्री फार्मसी कॉलेजमध्ये फ्रेशर्स पार्टीने नवगतांचे जल्लोषात स्वागत
सह्याद्री फार्मसी कॉलेज,मेथवडे महाविद्यालयात २०२५-२६ या शैक्षणिक वर्षांमध्ये प्रथम वर्ष डी.फार्मसी, बी.फार्मसी, एम.फार्मसी व थेट द्वितीय वर्ष बी.फार्मसी अभ्यासक्रमास नव्याने प्रवेश घेणाऱ्या विद्यार्थ्यांसाठी स्वागतसमारंभाचे (फ्रेशर्स पार्टीचे) आयोजन महाविद्यालयात करण्यात आले होते. या स्वागत समारंभ कार्यक्रमास “फ्रेशर्स पार्टी २के२६” हे शीर्षक देण्यात आले होते.
या कार्यक्रमाचे उदघाटन प्रमुख पाहुणे डॉ.श्री. स्वप्नील फडे, प्राचार्य,कॉलेज ऑफ फार्मसी, पाणीव, डॉ.हिंदुराव काळे, संस्थेचे संस्थापक अध्यक्ष डॉ.दिलीपकुमार इंगवले, महाविद्यालयाचे प्राचार्य डॉ.मनोजकुमार पाटील यांच्या हस्ते सरस्वती मातेच्या प्रतिमेचे पूजन व दीपप्रज्वलन करून झाले. या वेळी प्रमुख पाहुणे डॉ.श्री .स्वप्नील फडे यांनी आपल्या मनोगतात विद्यार्थ्यांना व्यक्तीमत्व विकास याबद्दल उदाहरणासहित आपले विचार व्यक्त करून विद्यार्थ्यांना प्रोत्साहित केले.फार्मसी हे एक उत्तम करियरचे क्षेत्र आहे.आहे.भविष्यात या क्षेत्रात भरीव प्रगतीसाठी वाव आहे.हे क्षेत्र कायम प्रगतीत राहणारे समृद्ध क्षेत्र आहे. देशातच नवे तर देशाबाहेरसुद्धा या क्षेत्रात रोजगाराच्या भरपूर संधी आहेत.ग्रामीण व शहरामधील गरीब,होतकरू, हुशार विद्यार्थ्यांना डॉ.दिलीपकुमार इंगवले यांनी चांगल्या अशा फार्मसी महाविद्यालयाची स्थापना व यशस्वी करून शैक्षणिक क्षेत्रातील त्यांनी दिलेले योगदान कौतुकास्पद व उल्लेखनीय आहे.दर्जेदार व गुणवत्तापूर्ण शिक्षण हीच महाविद्यालयाची ओळख पंचक्रोशीत झाली आहे. कॉलेजमधील अनुभवी व तज्ञ प्राध्यापक वृंद,अद्यावत प्रयोगशाळा व कलासरूम,सुस्सजय ग्रंथालय, सर्व सोईयुक्त वसतिगृह व कॅन्टीन, निसर्गरमय व शिस्तबद्ध शैक्षणिक वातावरण,आधुनिक उपकरणे व मशीन्स यामुळे कॉलेजचे नावलौकिक वाढवण्यास मदत झाली आहे असे मत पाहुण्यांनी मनोगतात व्यक्त केले.यानंतर प्रथम वर्ष डी.फार्म व बी.फार्म तसेच थेट द्वितीय वर्ष बी.फार्मसीसाठी नव्याने प्रवेश घेणाऱ्या विद्यार्थ्यांचे पाहुण्यांच्या व प्राध्यापकांच्या हस्ते पुष्पगुच्छ व भेटवस्तू देऊन स्वागत करण्यात आले.
यावेळी विद्यार्थ्यांनी नृत्यकला सादर करून उपस्थितांची मने जिंकली. या कार्यक्रमानंतर उपस्थितांना व विद्यार्थ्यांना महाविद्यालयातर्फे अल्पोपहार देण्यात आला.कार्यक्रमाची प्रस्थावना व ओळख प्रा.पी.पी.कोडग यांनी व सुत्रसंचलन ओंकार हत्तुरे, हर्षद जाधव, काजल देवळे, मनीषा काळे, दीक्षा जाधव, शुभांगी कालिबाग, राबिया इनामदार, निकिता पवार यांनी तर आभारप्रदर्शन प्रा.श्री.एस.पी.जोकार यांनी केले.हा कार्यक्रम यशस्वी करण्यासाठी सांस्कृतिक विभागाचे डॉ.एन.ए.तांबोळी, सर्व शिक्षक व शिक्षकेतर कर्मचारी, तृतीय वर्ष बी.फार्मसी व द्वितीय वर्ष डी.फार्मसीसहित सर्व विद्यार्थ्यांचे योगदान लाभले.
