गार्डी ते मोरेवस्ती रस्त्यावरील पुलाच्या कामासाठी ५ कोटी ७० लाखाच्या निधीची तरतूद – ॲड. शहाजीबापू पाटील
मुख्यमंत्री ग्रामसडक योजना आशियाई विकास बँकेमार्फत सांगोला विधानसभा मतदार संघांतील पंढरपूर तालुक्यातील गार्डी ते मोरेवस्ती या रस्त्यावरील पुलाच्या बांधकामाची तत्कालीन आमदार शहाजीबापू पाटील यांनी जानेवारी २०२४ मध्ये मागणी करीत त्यासाठी वारंवार पाठपुरावा केला होता. या मागणीची दखल घेत राज्याचे ग्रामविकास मंत्री तथा जिल्ह्याचे पालकमंत्री ना.जयकुमार गोरे यांनी या रस्त्यावरील पुलाच्या बांधकामास ५ कोटी ७० लाख रुपयांच्या निधीला मंजुरी दिली असल्याची माहिती माजी आमदार ॲड. शहाजीबापू पाटील यांनी दिली. सदरचे काम ग्रामविकास विभागाच्या अधिनस्त असलेल्या महाराष्ट्र ग्रामीण रस्ते विकास संस्थेमार्फत मुख्यमंत्री ग्रामसडक योजनेअंतर्गत आशियाई विकास बँक अर्थसाहीत गार्डी ते मोरेवस्ती पुलाचे काम मंजूर झाल्याने या भागातील नागरिकांचा गेल्या अनेक वर्षापासूनचा प्रलंबित असलेला प्रश्न मार्गी लागला आहे.
