नगरपरिषद निवडणुकीचा अर्ज भरताय? वाचा कागदपत्रे आणि प्रक्रियेची A to Z माहिती
सांगोला नगरपरिषद सार्वत्रिक निवडणूक-२०२५ करीता आचारसंहितेच्या अनुषगाने मा. निवडणूक निर्णय अधिकारी तथा तहसीलदार संतोष कणसे यांच्या अध्यक्षतेखाली पुण्यश्लोक राजमाता अहिल्यादेवी होळकर सभागृह (टाऊन हॉल) येथे बैठक आयोजित करण्यात आली होती.
🔴 मतदार संख्या – 33698 (01 जुलै 2025 रोजीची)
🔴 सांगोला नगरपरिषद सार्वत्रिक निवडणूक 2025
स्त्री मतदार संख्या – 16838
पुरुष मतदार संख्या – 16858
इतर -2
🔴 मतदान केंद्र संख्या – 40
🔴 खर्च मर्यादा
थेट नगराध्यक्ष – 7 लाख 50 हजार रुपये
सदस्य – 2 लाख 50 हजार रुपये
🔴 आचार संहिता कालावधी – दिनांक 04.11.2025 ते 03.12.2025
🔴 जाहीर प्रचार कालावधी – दिनांक 27.11.2025 ते 30.11.2025 (रात्री 12 पर्यंत)
🔴 जाहीर प्रचाराची ठिकाणे – छत्रपती शिवाजी महाराज चौक/नेहरू चौक, जय भवानी चौक, महात्मा फुले चौक, न्यू इंग्लिश स्कूल मैदान
यावेळी सहायक निवडणूक निर्णय अधिकारी तथा मुख्याधिकारी सुधीर गवळी, सहायक निवडणूक निर्णय अधिकारी तथा नायब तहसीलदार सोमनाथ साळुंखे, पोलीस निरीक्षक विनोद घुगे यांनी निवडणूक विषयक बाबींमार्फत मार्गदर्शन केले.
अर्ज प्रक्रिया सुरू
उमेदवारांना 10 ते 18 नोव्हेंबर दरम्यान अर्ज करता येणार आहेत. अर्ज ऑनलाइन पद्धतीनेच भरायचा आहे.
किती अर्ज भरू शकता?
एका प्रभागातून एका उमेदवाराला जास्तीत जास्त चार अर्ज भरता येतील. अर्ज माघारी घेण्याची शेवटची तारीख 25 नोव्हेंबर.
खर्च मर्यादा वाढली
निवडणुकीच्या खर्चावर आयोगाने मर्यादा वाढवली आहे.राज्य मुख्य निवडणूक आयुक्तांच्या माहितीनुसार, या निवडणुकीत अ वर्ग नगरपरिषदांच्या अध्यक्षपदासाठी १५ लाख व सदस्यपदासाठी ५ लाखांची खर्चमर्यादा ठेवण्यात आली आहे. ब वर्ग नगरपरिषदेसाठी हीच मर्यादा अनुक्रमे ११ लाख २५ हजार आणि ३ लाख ५० हजार ठरवण्यात आली आहे. तर, क वर्गासाठी हीच मर्यादा अनुक्रमे ७ लाख ५० हजार व २ लाख ५० हजार ठरवण्यात आली आहे.
याशिवाय, नगरपंचायतीच्या अध्यक्षपदासाठी ६ लाख तर सदस्यपदासाठी २ लाख २५ हजार खर्चाची मर्यादा ठरवण्यात आली आहे.
अर्ज कुठे करायचा?
राज्य निवडणूक आयोगाच्या संकेतस्थळावर https://mahasecelec.in जाऊन, पहिल्यांदा रजिस्ट्रेशन करून नंतर अर्ज भरावा लागेल. त्यानंतर भरलेला अर्ज प्रिंट करून निर्णय अधिकाऱ्यांकडे द्यावा लागेल.
कसा असेल निवडणूक कार्यक्रम?
अर्ज दाखल करण्यास सुरुवात: १० नोव्हेंबर २०२५
अर्ज दाखल करण्याची अंतिम मुदत: १७ नोव्हेंबर २०२५
अर्जांची छाननी: १८ नोव्हेंबर २०२५
अर्ज माघारी घेण्याची अंतिम मुदत: २१ नोव्हेंबर २०२५
आक्षेप असलेल्या ठिकाणी अर्ज माघारी घेण्याची अंतिम मुदत: २५ नोव्हेंबर २०२५
निवडणूक चिन्ह व उमेदवारांची अंतिम यादी: २६ नोव्हेंबर २०२५
मतदान: २ डिसेंबर २०२५
मतमोजणी: ३ डिसेंबर २०२५
निकाल जाहीर करण्याचा दिवस: १० डिसेंबर २०२५
